السلام عليكم ورحمة الله وبركاته..
ــــــــــــــــــــــــــــــــــــــــــــــــــ ــــــــــــــــــــ
(عــاشـقـك مـجــنــون)
توقع مني أي حاجه..ياعمري عاشقك مجنون # ولا تقارنّي بعشّاق(بني عبس) ومضاربها
فرق شاسع..مثل مابين(مرة لوط) و(مرة فرعون) # ياعمري وكل هالدنيا..حياتي انت صاحبها
أشوفك تلتفت خايف من العذال..خل يقولون # أحبك..ماعليك منهم..معاهم آنا خاربها
تصدّق..والله بغيابك ذبحني شوقي الملعون # واقول الصبر ياقلبي..بنتحمّل عواقبها
وهذا اليوم انا جيتك..و أحمل قلبي المطعون # و ازيدك (م)الشعر بيتين..حتى جروحي جايبها
أبيك تطيّب الخاطر..بعَدْها بصدق اقول ممنون # ولا تخلف ظنوني فيك..وحساباتي اللي حاسبها
انت بقلبي الدنيــا..وكل الحب..والـمضـنـون # أبيع الدنيا لعيونك..وناسٍ ماني عاجبها
بعد ماقلتلك سرّي..تفضل وافشي المكنون # وعبّر عن خفايا الروح..وعن نفسي...وجوانبها
أخاف يصير عكس اللي توقعت..ويضيق الكون # واعيش بدنيتي وحدي..واظل الروح اعاتبها
على حبٍ كسر قلبي..وغدى من بـعـدهـم مَـهْـيــون # تحديت العرب لجله..و(بني عبس)..ومضاربها
ــــــــــــــــــــــــــــــــــــــــــــ
لاتنسون ردودكم..,
ودمتم سالمين..,
الثلاثاء مارس 16, 2010 6:00 pm من طرف 
موضوع: عاشق مجنون