هذا قراري

[frame="7 80"]مافيه يومٍ فيه أنا معـك قصـرّت
حتى الكـلام أثمنّـه وأنـت داري

ومافيه يـوم أخطيـت إلا تعـذرّت
حتى ولو ماأخطي يجيك إعتـذاري

حتـى إذا شفتـك مكـدّر تكـدرّت
إلاأنت لك قلب من الإحساس عاري

قدمـت ماقدمـت لكنـك أنكـرت
حتى الغلا مايوم جا فيـه طـاري

أقدرّك بس أنـت مايـوم قـدرّت
رفعت قدرك فوق حتـى مـداري

يعني كذا وبـلا سبايـب تجبـرّت
يعني كذا تبيع مـن كـان شـاري

يعني عشان إنـي أعزك تكبـرّت
ماكنت أظن إنـك تقّـل إعتبـاري

والله إني من تصاريفـك إحتـرت
بغيت أداري بـس وشلـون أداري

مدام لإذلالـي وحقرانـي إختـرت
فأنا بعـد بأقـول لـك إختيـاري

ماأبيك لو إنـي ببعـدك تضـررّت
ماأبيك دام إنـك تحـبّ إنكسـاري

إبرحل مادام إنـك عليّـه تكبّـرت
أبيـك تنسانـي وهـذا قــراري